हेटौंडा आएर राजेन्द्र लिङ्देनले भने : धुरीको झण्डा देखाएर एमालेमै छौं भन्नु तर भोट ‘हलो’मा हाल्नु
राष्ट्रिय प्रजातन्त्र पार्टीका अध्यक्ष राजेन्द्र लिङ्देनले ३० वर्षदेखि मुलुक हाकेको पार्टीहरुले भष्ट्राचारलाई सस्थागत बनाएको आरोप लगाएका छन् । हेटौंडामा आयोजना गरिएको चुनावी आमसभालाई सम्बोधन गर्दै लिङ्देनले देशको सबैभन्दा ठुलो शत्रु भष्ट्राचार भएको बताए ।
उनले राप्रपाले चुनाव जिते देश भष्ट्राचार मुक्त बनाउने बताउदै यो निर्वाचनमा राप्रपालाई भोट हाल्न आग्रह गरे । कमल थापाको गृह नगर समेत रहेको हेटौंडामा आएर उनले कांग्रेस एमाले जुनसुकै पार्टीको भएपनि खुसुक्क भोट हलोमा हाल्न आग्रह गरे ।
उनले भने,’ तपाई कांग्रेस, एमालेमै बसिराख्नुस कोई बात छैन, नेताहरु आउदा आफ्नो घरको धुरीमा राखेको झण्डा देखाउदै सुर्य मै छौं भन्नु तर भोट भने हलोमा हाल्नु’ ।
उनले यो चुनावमा एमाले, कांग्रेसको भोटको बाकस खाली गर्दिनुपर्ने बताए ।उनले एमाले,कांग्रेस,माओबादीलाई जति चोटी भोट दिएपनि देश नबन्ने धारणा व्यक्त गरे ।