सरकारको तीन वर्ष : प्रधानमन्त्रीले आज ‘प्रेस ब्रिफिङ’ गर्ने

देश

Home
News
सरकारको तीन वर्ष : प्रधानमन्त्रीले आज ‘प्रेस ब्रिफिङ’ गर्ने

सरकारको तीन वर्ष : प्रधानमन्त्रीले आज ‘प्रेस ब्रिफिङ’ गर्ने

फाल्गुन ३, २०७७ बागमती खबर

बर्तमान सरकार गठन भएको आज तीन बर्ष पुरा भएको छ । यसै अवसरमा प्रधानमन्त्री केपी शर्मा ओलीले सरकारले तीन बर्षमा गर्दै आएको काम र प्राप्त उपलब्धीकाबारे आज प्रेस ब्रिफिङ गर्नुहुने कार्यक्रम छ ।

प्रतिनिधिसभाको निर्वाचन सम्पन्न भएपछि तीन बर्ष पहिले २०७४ साल फागुन ३ गते केपी शर्मा ओलीको नेतृत्वमा वर्तमान सरकार गठन भएको हो । सरकारले तीन वर्ष पुरा गरेको अवसरमा प्रधानमन्त्री ओली आफ्नो सरकारका उपलब्धी पुनःनिर्मित सिंहदरबार परिसरमा एक विशेष कार्यक्रमका साथ सार्वजनिक गर्दैछन् ।

झण्डै दुई तिहाई बहुमत पाएको सरकार गठन भएपछि समृद्ध नेपाल र सुखी नेपालीको राष्ट्रिय आकांक्षा राखेर पूर्वाधार विकास, सामाजिक न्याय सहित समतामूलक समाज निर्माण एवं आर्थिक क्रान्ति सहित सरकारले नीति तथा कार्यक्रम अघि सारेको थियो ।

तीनै नीति तथा कार्यक्रमको जगमा रहेर राष्ट्र र जनता हितका पक्षमा विभिन्न कार्यहरु भएका छन् । कालापानी, लिपुलेक र लिम्पियाधुरामा अतिक्रमित भएको नेपालको भूमी समेटिएको नयाँ नक्शा राष्ट्रिय सहमतिमा जारी भएको छ ।

नेपालको अखणडता र स्वाधिनताको पक्षमा सरकारले गरेको यो एक ऐतिहासिक काम थियो । भूकम्पले क्षतिग्रस्त संरचनाहरुको पुननिर्माणको काम लगभग अन्तिम चरणमा पुगेको छ ।

रेलमार्ग तथा सडक पूर्वाधार लगायत राष्ट्रिय गौरवका आयोजनाहरुको निर्माणकार्य प्रभावकारी रुपमा अघि बढ्दै छन् । जेष्ठ नागरिकको सम्मान तथा किसान मजदुर वर्गको हितका लागि सामाजिक सुरक्षा कार्यक्रम अघि सारिएको छ ।

नेपालको विद्युत निर्यात गर्न विद्युत प्रसारण केन्द्रहरको विस्तार लगायत भष्टाचार नियन्त्रण तथा सुशासन कायम गर्ने दिशामा भईरहेका कामहरुको आधारमा सरकारको तीन बर्षलाई प्रधानमन्त्री ओलीले आज गर्ने ‘प्रेस ब्रिफिङ’ मा समेटिने अनुमान गरिएको छ । राजधानी दैनिकबाट

प्रकाशित मिति: सोमवार, फाल्गुन ३, २०७७, ०९:०२:००

प्रतिक्रिया दिनुहोस्

देश

प्रधानमन्त्री ओलीको चुनौती : 'राजीनामा दिन्नँ, अविश्वासको प्रस्ताव राखेर हटाएर देखाउनुस्

फाल्गुन १६, २०७७ बागमती खबर

प्रधानमन्त्री केपी शर्मा ओलीले पदबाट राजीनामा नदिने अडान दोहोर्‍याएका छन् । आज आइतवार झापाको कमल गाउँपालिकामा नेपाल–चीन मैत्री औद्योगिक पार्कको शिलान्यास गर्दै प्रधानमन्त्री ओलीले पदबाट राजीनामा नगर्ने बताएका हुन् । पुरा पढ्नुहोस्

देश

आज स्वस्थानी ब्रत समापन गरिँदै, स्वस्थानीको महत्व यस्तो छ

फाल्गुन १५, २०७७ बागमती खबर

पुस शुक्ल पूर्णिमादेखि वैदिक सनातन हिन्दू धर्मावलम्बीले घरघरमा शुरु गरेको एक महिने स्वस्थानी ब्रत आज विधिपूर्वक समापन गरिँदैछ । पौष शुक्ल पूर्णिमादेखि विधिपूर्वक स्वस्थानीको ब्रत शुरु गरी नित्य मध्याह्नकालमा पा पुरा पढ्नुहोस्

ताजा समाचार