सरकारले कोरोना जोखिमको मूल्यांकन गरी स्थानीय तहलाई विद्यालय खोल्ने अधिकार दिएसँगै हेटौंडा उपमहानगरपालिका भित्रका बिद्यालयहरु पनि संचालन हुने भएका छन् ।
केहिदिन भित्रै हेटौंडाका निजि तथा सामुदायिक सबै बिद्यालय संचालन गरिने हेटौंडा उपमहानगरपालिकाका मेयर हरिबोल महतले जानकारी दिए ।
शुक्रबार निजि विद्यालयका प्रधानाध्यापकसँग छलफल गरेको उपमहानगरपालिकाले आज आइतबार सामुदायिक बिद्यालयका प्रधानाध्यापकहरु सँग छलफल गरेको छ ।
'स्वास्थ्य सुरक्षामा मापदण्ड अपनाई अबको केहिदिन भित्रै बिद्यालय संचालन हुन्छ,' मेयर महतले भने ।
परिस्थिति हेरेर नगर शिक्षा समितिको बैठक बसी विद्यालय सञ्चालनको निर्णय गरिने हेटौंडा उपमहानगरपालिकाका शिक्षा शाखा प्रमुख पूर्ण अछामीले जानकारी दिए ।
कोरोना भाइरस संक्रमणका कारण विगत ८ महिना देखि निजी तथा सामुदायिक विद्यालय बन्द छन् ।
