नेपाल कम्युनिष्ट पार्टी (नेकपा) प्रचण्ड-नेपाल समूहले ६८ जिल्लामा अध्यक्ष र सचिवको टुँगो लगाएको छ ।
प्रधानमन्त्री केपी शर्मा ओलीले ५ पुसमा प्रतिनिधि सभा विघटन गराएपछि नेकपा विभाजित बनेको हो । त्यस पछि अहिले प्रचण्ड-नेपाल तथा ओली समूहले छुट्टाछुट्टै नेतृत्व चयन गर्दै आएका छन् ।
नेपाल कम्युनिस्ट पार्टी ( नेकपा) दाहाल–नेपाल समूह मकवानपुरको अध्यक्षमा मुनु सिग्देल र सचिवमा प्रेम बहादुर पुलामी चयन भएका छन् । पार्टी विभाजन हुनु अघि पनि सिग्देल र पुलामी क्रमशः अध्यक्ष र सचिव थिए ।
यसअघि केन्द्रीय र प्रदेश नेतृत्व चयन गरेका थिए । अहिले प्रचण्ड-नेपाल समूहले जिल्ला नेतृत्व पनि टुंग्याएको हो ।
