सरकारले आजबाट सुरु गरेको योगदानमा आधारित सामाजिक सुरक्षा कार्यक्रम सबै भन्दा पहिले संचार माध्यमबाट सुरुवात गर्नका लागि आग्रह गर्दछु ।
अहिलेको अबस्थामा अधिकांश संचार माध्यममा कार्यरत पत्रकारहरु ३० बर्ष सम्म एउटै संचार माध्यममा काम गर्दा पनि जागिर छोडेको दिनमा रित्तोहात घर फर्कन बाध्यछन् । उनिहरुको लागि कुनैपनि ब्याबस्था छैन । पत्रकार लामो समय बिरामी परे, दुर्घटनामा परेर सक्त घाईते भए, महिला पत्रकार गर्भबवती हुँदा, सुत्केरी हुँदा कुनै सहयोग हुनुको सट्टामा जागिरनै जाने समस्यामा धेरै छन् । यो कार्यक्रम लागूगर्दा न मिडीया मालिकलाई कुनै ठुलो भार पर्छ नत पत्रकार अहिलेको जस्तो सधैको पिडामा बस्नुनैपर्छ ।
यो कार्यक्रममा सहभागिता जनाउँदा मात्रै सबै अरु श्रमिकले जसरीनै पत्रकारले पनि ६० बर्ष नाघेपछी पेन्सन पाउँछन् । कामको सिलसिलामा कुनै दुर्घटना भएमा सबैखर्च कोषबाट भुत्तानी हुन्छ । यो कार्यक्रम मिडीया हाउसबाट लागू गर्दा अहिले काम गर्दै आएका धेरै श्रमजिवी पत्रकारको हित पनि हुने छ । काठमाण्डौबाट निस्कने ठुला संचार माध्यमले त यो कार्यक्रम लागू गर्लान । तर काठमाण्डौ बाहिर जिल्लास्तरबाट संचालन हुने संचार माध्यमले पनि यो कार्यक्रम लागू गरेमा मिडीया संचालकलाई भार पनि नपर्ने, पत्रकार पनि खुसी हुने छन् ।
आजबाट सुरुवात भएको यो कार्यक्रमका बिषयमा बिहानको झिसमिसे देखिनै सामाजिक संजालमा पत्रिकाका कटिङ राखेर खिल्ली उढाएको देखेर यसका बारेमा गहिरो अध्ययन गरे । यसका बिषयमा सबैजसो अनलाईनमा आएका समाचार, आजको आन्तिपुरमा मेरा समकक्षी मित्र होम कार्कीले लेख्नुभएकको मुख्य समाचार पढेपछी सबैले नबुझीकन यसको गलत प्रचार गर्दैछन् भन्ने पनि लाग्यो । तर यतीका धेरै पैसा खर्चगरेर यो प्रचार गर्नै पर्ने सामाग्री रहेछ ।
किनकी देशभरका ३५ लाख श्रमिक प्रतक्ष रुपमा लाभान्वित हुने, त्यो पनि रोजगारी सुरु गरेको एक बर्ष देखि मृत्यु पस्चात पनि श्रीमान वा श्रीमती यसको फाईदाको भागिदार हुने । कार्कीजीले गहिराईमा गएर लेखेको समाचार पढ्दा धेरै कुरा जानकारी पाएँ । कोषबाट बृद्धा अबस्थामा औषधि उपचार, स्वास्थ्य तथा मात्रृत्व दुर्घटना, असक्तता र आश्रीत परिवार सुरक्षा कार्यक्रमले ३५ लाख श्रमिक संगै तिनका परिवारका सदस्यहरु समेतलाई सजलो हुने छ । सरकारले नयाँ युगको सुरुवात भनेर नारा दिएछ । सुरुवात त भयो तर यो कामका लागि चुनौती पनि उत्तिकै छ । चुनौतिलाई सामना गरेर अगाढी बढ्ने हो भने तत्कालिन एमालेकको सरकारले सुरुवात गरेको बृद्धभत्ता दिने कामको सुरुवात भन्दा यो धेरै लोकप्रिय कार्यक्रमका रुपमा अगाढी बढ्ने छ ।
सरकारले घोषणा गरेका दर्जनौ लोकप्रिय कार्यक्रम भन्दा यो कार्यक्रम दिगो र धेरैनै महत्वपुर्ण कार्यक्रमका रुपमा अगाढी बढ्ने छ । यो कार्यक्रमबाट प्रत्यक बृद्धबृद्धाहरुले आफ्नै हातमा भत्ता रकम पाएर गाला चाउरी पारेर मुस्कुराएझै श्रमिकका लागि पनि त्यही दिन आउनेछन् ।
तत्कालिन स्वास्थ्य मन्त्री गगन थापाले सुरुवात गरेको स्वास्थ्य बिमा कार्यक्रमबाट दुखि, गरिबहरुलाई बिरामी भएर थोरै पैसाको अभाबमा उपचार गर्न नपाएर मनुपर्ने समस्याबाट धेरै मुक्त पनि भएका छन् । पहिले सरकारी सेवामा काम गर्ने कमृचारीले त संचयकोष, पेन्सन, उपदान पाउँथे भने यो कार्यक्रमबाट सरकारी सेवा भन्दा बाहेकका क्षेत्रमा श्रम गर्ने श्रमिकहरुको पनि उचित मुल्याङकन भएको देखिएको छ । यो कार्यक्रम हामिजस्ता श्रमिकका लागि धेरैनै लोकप्रिय रहेको छ । तर सुरुवात मिडीया हाउसबाट सुरुवात गरौ सबै श्रमजिबी पत्रकार मिडीयामा बषौ सम्म काम गरेर रित्तो हात घरफर्कनबाट जोगाऔ ।
