प्रधान सेनापति शर्माले लिए ‘सफा हिमाल अभियान’को प्रगति विवरण

प्रधान सेनापति प्रभुराम शर्माले ‘सफा हिमाल अभियान २०२२’ लागि खटिएका टोलीहरूबाट हालसम्म भएका कार्य प्रगति विवरणका बारेमा जानकारी लिएका छन् ।

जैविक विविधता तथा पर्यावरण संरक्षण गर्ने उद्देश्यअनुरूप सेनाको अगुवाइमा चैत २२ बाट सञ्चालन भइरहेको सफा हिमाल अभियानमा खटिएका क्याम्पेन लिडरहरूसँग भिडियो टेलिसञ्चारमार्फत कुराकानी गर्दै प्रधानसेनापति शर्माले जानकारी लिएका हुन् ।

अतिरिक्त भौगोलिक विकटता र प्रतिकूल मौसमको समेत प्रवाह नगरी विषम परिस्थितिमा सेनाका सकल दर्जाले गरिरहेको कार्यहरूको उच्च मूल्याङ्कन गर्दै प्रधानसेनापति शर्माले तोकिएको जिम्मेवारी कुशलतापूर्वक समयमा नै सम्पन्न गर्न निर्देशनसमेत दिएका छन् ।

टोलीले यसपालि सगरमाथा÷ल्होत्से, कञ्चनजंघा र मनास्लु हिमाल सफाइ गरिरहेको छ ।

सोही क्रममा मौसम पूर्वानुमानलाई मध्यनजर गरी वैशाख २४ मा  ५ः५० मा सह–सेनानी राजु श्रेष्ठ र सिपाही अमित थापाले सेनाको तर्फबाट पहिलोपटक कञ्चनजंघा हिमाल (८५८६ मि.) को सफल आरोहण गरेकोमा आरोहीहरूलाई प्रधानसेनापति शर्माले विशेष धन्यवादसमेत दिएका थिए ।

साथै, “सफा हिमाल अभियान २०२२” मा खटिएका सेना तथा सेवा प्रदायकका टोलीहरूले हालसम्म चारवटा हिमालबाट २, हजा ६० केजी कुहिने फोहोर संकलन गरेको छ भने १४ हजार ९४० केजी नकुहिने फोहोर संकलन गरको छ ।