मकवानपुरको बकैयामा गठबन्धन नगर्ने कांग्रेसको घोषणा
मकवानपुरमा नेपाली कांग्रेस बकैया कार्यसमितिले ३० वैशाखमा हुने स्थानीय निर्वाचनमा गठबन्धन नगर्ने घोषणा गरेको छ ।
आइतबार हेटौंडास्थित नेपाली कांग्रेस जिल्ला पार्टी कार्यलयमा पत्रकार सम्मेलन गर्दै कांग्रेस बकैयाले ५ दलीय गठबन्धन तोडेको जानकारी दिएको छ ।
पत्रकार सम्मेलनमा बोल्दै कांग्रेस बकैयाका सभापति दिलबहादुर बम्जन लामाले कार्यसमिति र १२ वटै वडा सभापतिको सामूहिक निर्णयबाट गठबन्धनमा रहेका दलहरू र अन्य दलहरूसँग मित्रवत रूपमा चुनावी प्रतिस्पर्धामा जाने निर्णय गरेको बताए ।