चुनाव जिते गाडी चड्दिन, मनहरीका लागि एम्बुलेन्स बनाउछु : रन्जन कालाखेती

मनहरी गाउँपालिकामा सत्ता गठबन्धनको तर्फबाट गाउँपालिका अध्यक्षका उम्मेदवार बनेका रन्जन कालाखेतीले निर्वाचनमा आफु बिजयी भए आफुलाई प्राप्त गाडी एम्बुलेन्सको रुपमा प्रयोग गर्ने बताएका छन् । आज सन्चारकर्मी सङको भेटमा कालाखेतीले मनहरी गाउँपालिकामा निकै विकट ठाउँहरु भएको र गाउँका नागरिक स्वास्थ्य र शिक्षाबाट बन्चित भैरहेको अवस्थामा आफुले गाडी चडेर हिंड्न नैतिकताले नदिने बताए । उनले आफुले पाउने तलव भत्ता पनि गाउँपालिका भित्र रहेका गरिव जनताको स्वास्थ्य र शिक्षामा खर्च गर्ने बताएका छन् । उनले मनहरीका किसानका लागि बृहत योजनाको साथ काम गर्ने बताए ।
“मैले जिते भने यहाका किसानका लागि रासायनिक मलदेखि उन्नत बिउबिजनको ब्यवस्था र तरकारीको उचित मुल्य प्राप्त गर्नको लागि कोल्डस्टोरको स्थापना गरि किसानलाई राहत हुने काम गर्छु”, उनले भने ।
उनले आफुले जिते यहाँका गरिव र बिपन्न वर्गका नागरिकलाई मनहरी मै उपचार गर्ने ब्यवस्था मिलाउने बताए । मनहरीमा नेपाली काङ्ग्रेस र नेकपा माओवादी केन्द्रविच गठबन्धन छ । गाउँपालिकामा अध्यक्षका लागि नेपाली काङ्ग्रेस र उपाध्यक्षमा नेकपा माओवादीबाट उम्मेदवार छन् ।